EHUagora lankidetzan diseinatzen dugu

EHUk EHUagorazabaltzeko partaidetza prozsu bat abiatu du. ehuagora Decidim-en oinarritutako unibertsitate-partaidetzako plataforma digital berria da.

Helburua bikoitza da: ikasle, irakasle eta ikertzaileentzat eta AZPkoentzat parte hartze demokratikorako espazio egonkorrak irekitzea, eta unibertsitateko komunitatea indartzea, elkarrekin hitz egiteko, proposatzeko eta erabakitzeko leku komun bat sortuz.

Talde eragile batek, Partaidetza, Komunikazio eta Transformazio Digitaleko Errektoreordetzarekin batera, hainbat fasetan egingo du lan:

• Hasierako prestakuntza, Decidim, haren printzipioak eta beste unibertsitate batzuetako esperientziak ezagutzeko.

• Lankidetzan funtsatutako diseinua, hedapen tekniko eta operatiboa, oinarrizko funtzionalitateak eta horien integrazio digitala definitzeko.

• Gobernantza eta baliabideak, ehuagoraren jasangarritasuna, gardentasuna eta dinamizazioa ziurtatzeko.

• Hedapenerako plan estrategikoaren ziriborra bat, parte hartzeko espazioen egutegi progresiboarekin (kontsultak, batzarrak, aurrekontuak, ekimenak).

Zer eskatzen zaie parte hartzen dutenei?

Ideiak, esperientziak eta lehentasunak ematea, plataformak komunitatearen benetako beharrak isla ditzan. Bere zeregina funtsezkoa izango da funtzionalitateak lehenesteko, hobekuntzak proposatzeko eta lan-plana baliozkotzeko.

Zer entregagai izango ditu prozesuak?

• EHUagora hedatzeko plangintza eta kronograma

• Azpiegitura, funtzionaltasuna eta integrazioa

• EHUagoraren Gutxieneko Funtzionalitate Bideragarria

• EHUko komunikazioarekin integratzea

• EHUagora-ren Gobernantzaren egituraren zirriborroa

• Baliabide teknikoen, giza baliabideen eta antolaketa-baliabideen zenbatespena

• Ebaluazio-adierazleak

Azkenean, EHUagora bere lehenbiziko prozesu aktiboa diseinu prozesu hau bera izango da, plataforman bertan emaitza ireki eta dokumentatu jasoko dena.

Eman aurreneko urratsa eta EHUagora-n izena eman!🚀