💻IKT – Azpiegitura eta laguntza teknikoa

Saio honen helburua da Decidim-en hedapenaren esparru teknikoa definitzea, eta, horretarako, azpiegitura, autentifikazioa eta integrazio teknikoa proiektuaren ikuspegi orokor batekin koordinatzea, segurtasun- eta interoperabilitate-oinarriak ezartzeko. Denbora eta saio mugatuak direla eta, zenbait erronkari ezin izango zaio sakon heldu. Puntu nagusiak jasoko dira, ondoren lantzeko eta plataformaren gobernantza eta bilakaera zehazteko.

Lan-egitura:

1. Diagnostiko partekatuaren errepasoa – Diagnostikoaren aurretiazko ondorioen berrikuspena, Decidim-en azpiegituran eragina dutenak

2. Eman daitezkeen produktuak berrikustea – Azpiegitura Proposamena, MPV, Baliabide Teknikoen Zenbatespena eta mantentze-lanetarako protokoloak egitea baliozkotzea.

3. Erronkaren formulazioa – DBEO, irisgarritasun-estandarrak (AA) betetzen dituen azpiegitura egonkor, seguru eta eskalagarria bermatzea, unibertsitate-sistemekiko elkarreragingarritasuna eta EHU nortasun digitalarekiko integrazioa ziurtatuz (LDAP, Izenpe, BaQ, oauth, etab.).

4. Erronketan oinarritutako lana – Garapen teknikoa eta elkarlaneko analisia:

• Instalazioa eta konfigurazioa: bertsioen ebaluazioa, hedapena Docker/CapRover-ekin, aurreprodukzioko eta produkzioko inguruneak, eta hardware-eskakizunak.

• Autentifikazioa eta erabiltzaileak: EHU SSO eta LDAPekin integratzea, rolen eta baimenen kudeaketa.

• Mantentze-lanak eta laguntza teknikkoa: mantentze-lan ebolutibo, prebentibo eta zuzentzaileen definizioa; eguneroko segurtasun-kopiak, aldizkako eguneratzeak eta urruneko eskalatze-euskarria (1. eta 2. mailak).

• Segurtasuna eta monitorizazioa: Netdata bidezko ikuskapena, tokiko SQL kopiak eta GitHub/Trello bidezko gorabeheren kontrola, Scrum/Kanban metodologiak aztertzetzea.

• Beharrezko hirugarrengotza-zerbitzuak. Mapak, analitika, blockchain bidezko bozka elektronikoa, eta abar konfiguratu behar diren kanpo-zerbitzuak detektatzea

• Prestakuntza teknikoa: sistema-administratzaileentzako saio praktikoak, euskaraz edo gaztelaniaz, plataformaren erabilerara, mantentze-lanetara eta hobekuntzara bideratuak.

• Mantentze-lanen eta eguneratzeen plana, erantzukizunekin eta kronogramarekin.

• Epe labur, ertain eta luzerako hedapenerako, laguntza teknikorako eta eskalagarritasunerako baliabide teknikoen kalkulua. Eta mantentze-lan oinarrizkoenetatik hasi eta EHUk Decidim proiektuari programazio-baliabideak emateko aukera izan arte.